ل زانکۆیا زاخۆ وۆرکشۆپەک ل دۆر بۆلونا پروسێس هاتە ئەنجامدان
ل دویڤ کۆمبوونا ئاسای یا لیژنا بۆلونا و پەرەپێدانا پروگرامان ب سەرپەرشتیا هەردۆک هاریکارێن سەروکێ زانکۆیێ بەرێزان (پ.هـ.د جاسم محمد عبدو) هاریکارێ سەرۆکێ زانکۆیێ بۆ کاروبارێن زانستی و خواندنا بلند و (پ.هـ.د رمضان جعفر مصطفی) هاریکارێ سەروکێ زانکویێ بۆ کاروبارێن قووتابیان. کومبوونە هاتە ئەنجامدان ل سەر ڕێنمایێن سیستەمێ بۆلونا و پراکتیکرنا وێ ل زانکۆیا زاخۆ ئەنجامدا و چەندین بابەتێن گرێدای ب بۆلونا و پەرەپێدانا پروگرامان هاتنە گەنگەشەکرن و بریار لسەر هاتە دان. هەروەسا د تەوەرێ تایبەت یێ گرێدای ب سیستەمێ بۆلونا ڤە بۆ زێدەتر ئاشنا بوونا پشکێن زانستی لسەر سیستەمێ بۆلونا و ب تایبەتی ڕێنمایێن بۆلونا بۆ قوتابیێن نوی هاتینە وەرگرتن ل زانکۆیێ بریار هاتە دا بۆ دانا وۆرکشۆپێن تایبەت ب سیستەمێ بۆلونا ڤە بۆ تەڤایا زانکویێ و تێدا ڕێڤەبەرێ یەکا بۆلونا (د. جیای صالح عجاج) و ڕێڤەبەرێ تۆمارا گشتی (د.پشتیوان محمدامین کریم) هاتنە ڕاسپاردن بۆ ئەنجام دانا وۆرکشۆپێ تایبەت ب سیستەمێ بۆلونا ڤە بۆ سەرۆك پشك و بریاردەرێن هەمی پشکێن زانستی. بۆ ڤێ مەبەستێ خشتەك هاتە دەینان، کۆ ئەڤ وۆرکشۆپە بۆ هەمی کۆلیژێن سەر ب زانکۆیێ بهێنە گۆتن ب شێوازەکێ ڕوون و ڕەوا ل سەر پەیرەوکرن و پراککتیکرنا سیستەمێ بۆلونی ل هەمی پشکێن زانستی یێن زانکۆیا زاخۆ و ل دوماهیا وۆرکشۆپی دەرگەهێ گەنگەشێ هاتە ڤەکرن بۆ ڕوونکرنا هەر خالەك و حالەتەکێ دهێتە پێش د سیستەمی دا.